Алматы облысында автобус өзенге құлады, зардап шеккендер бар
15 маусымда түстен кейін Алматы облысында жолаушылар автобусы өзенге құлап, екі адам зардап шекті. Бұл ақпаратты жергілікті ақпарат агенттіктері хабарлады.
«Сағат 14:27-де қала шетінде жолаушылар таситын №203 маршрут Талғар трассасымен жылжып бара жатқан. Тура алдына тақалып тоқтаған жеңіл көліктен қашам деп автобус аударылып, өзенге құлады. Екі адам жеңіл жарақат алды. Жедел жәрдем көлігі шақырылды» деді қалалық мобильділік басқармасы жетекшісінің орынбасары Қанат Байқоңыров. Әлеуметтік желі қолданушылары «Талғар ауданындағы Кеңдала елді мекені аумағынан түсірілген» видеоларды жариялап жатыр.
Ақпарат бойынша, автобус «Думан Транс» компаниясына тиесілі. Компания өкілдері оқиға кезінде автобуста 25 жолаушы бар болғанын хабарлаған.
