Алматы облысы әкімінің тұрғындармен әңгімесі дауға ұласты (видео)

Life.kz Алматы облысының әкімі Қанат Бозымбаевтың аймақ тұрғындарымен әңгімесінің видеосын жариялайды, деп хабарлайды Kznews.kz ақпарат порталы Ulysmedia.kz сайтына сілеме жасап.

Кадрда Есік тұрғыны газды модульдік қазандықтардың жоқтығына шағымданғысы келген, бірақ ойын ашық жекізе алмаған. Сол кезде Қанат Бозымбаев әйелден:

«Сіз қайда тұрасыз? Не ұнамайды сізге өзі?” — деп сұраған.

Әйел жауап ретінде әкім онымен дөрекі сөйлесіп жатқанын ескертіп:

«Мен адам емеспін бе? Неге сөзімді бөлесіз?» — дейді.

Әкім оның ескертуімен келіспей:

«Мен сізбен дұрыс сөйлесіп тұрмын, тез айтыңыз, кезекте тұрған адам көп», — деп жауап қайтарған.

Есік тұрғыны тек екі модульдік қазандық салынғанын, ал қалған 15 қазандықтың жоқ екенін айтып шағымданды:

«Ақша қайда?»

Бозымбаев ақша облыстық бюджетке бөлінеді деп жауап берді. Оның айтуынша, ақша кезек тәртібімен түседі.

«Сонымен, бізде газдандыру толықтай қай жылы аяқталады?»– деп сұрады әйел.

Әкім жауап ретінде тонды өзгертуді сұрады:

«Аспаннан салбырап түскен жоқсыз. Елімізде азаматтардың 60% — ы газға қол жеткізе алады, өкінішке орай, бізде бұл процес әлі толықтай жүзеге асырылмаған», — дейді.

«Мен темір емеспін. Барлығын орнымен және уақытымен жасаймыз. Бюджет есебінен бөлінген ақша ешқашан жетпейді. Сондықтан, кейбір ірі аудандарда бұл схеманы менің бұрынғы адамдарым мемлекеттік-жеке серіктестік арқылы жүзеге асырды. Жеке саудагерлер ақша салды, енді олар бұл ақшаны тариф арқылы қайтаруы керек».

Келесі болып әкімге Талғар қаласының тұрғыны жүгінді, онымен де әңгіме дауға ұласты.

Видео: vyhod_k_pravde инстаграмм парақшасынан