Мұрынбоқ болып келген – Шиелідегі мектеп директоры мұғалімдерге тіл тигізді

Қызылорда облысы Шиелі ауданындағы мектептердің бірінде директор мен мұғалімдер арасында жанжал шықты, — деп хабарлайды Kznews.kz жаңалықтар порталы orda.kz сайтына сілтеме жасап.

Видеодан мектеп директорының мұғалімдерді сынға алып, оларға тіл тигізген.

Видеоны желі белсендісі Ардақ Қазақбайқызы өз парақшасына жариялады.

Оқиғаға қатысты Шиелі аудандық білім бөлімі пікір білдірді.

«Аудандық білім бөлімі облыстық білім басқармасымен бірге мәселені қарастырып жатыр. Тиісті зерделеу жүргізіліп, мәселе анықталған соң басшы мен тиісті қызметкерлер іс-әрекетіне құқықтық тұрғыдан баға берілетін болады» деді бөлімде.

Видео авторы сондай-ақ бұл директордың 10 жылдан аса уақыт бір жерде қызмет етіп келе жатқанын жазды.

«Бұл сұмдық тиран директорға 10 жылдан бері төзіп келе жатқан мұғалімдерге медаль тағу керек шығар» деді ол.