Алматы маңында құрылыс базарынан өрт шықты (фото) — новости Казахстана

Алматы облысының Іле ауданы Түймебаев ауылындағы «Ащыбұлақ» құрылыс базарынан өрт шықты. Бұл туралы ІІМ төтенше жадайлар қызметінің баспасөз қызметіне сілтеме жасаған NUR.KZ хабарлайды.

Фото:ІІМ төтенше жағдайлар комитеті

Өрт туралы ақпарат таңғы 04.43 келіп түскен.

800 шаршы метр көлеміндегі құрылыс заттары сақталған 20 контейнердің өртенгені белгілі болды.

Өрт сөндірушілер өртті ауыздықтау жұмыстарын жүргізіп жатыр.

Өртті сөндіруге Алматы облысының төтенше жағдайлар департаментінің жеке құрамының 20 адамы және өрт сөндіру техникасының алты бірлігі, Алматы қаласының төтенше жағдайлар қызметінің жеке құрамының алты адамы және екі өрт сөндіру техникасы жұмылдырылған.

Құрбандар мен зардап шеккендер туралы ақпарат келіп түскен жоқ.