Әлемде коронавирус жұқтырған адамдардың саны миллионнан асты — Қазақстан жаңалықтары

Әлемдік статистика сайтының хабарлауынша, COVID-19 жағдайларының саны 1 миллион 15 мың 667 адамды құрады, деп хабарлайды Stan.kz ақпарат агенттігі.

Коронавирустың өршуі желтоқсанда Қытайдың Ухань қаласында басталып, үш айдың ішінде пандемияға айналған еді. Төртінші айдың аяғында эпидемия бүкіл әлемде таралды.

Бүгінгі таңда коронавирустан 212,9 мың адам айығып кетті.

Қазіргі уақытта бүкіл әлем бойынша 749 476 адам ауырады. Олардың 95% немесе 711 830 адам жұмсақ және орташа жағдайда деп бағаланады, ал 5% немесе 37 646 адам ауыр жағдайда.

Бүгінгі таңда Америка Құрама Штаттарында ең көп жағдай 245 080 құрайды, ал 6 075 адам қайтыс болды.

Екінші орында Италия тұр: 115 242 жағдай, 13 915 адам қайтыс болды.

Үшіншісі — Испания: 112 065 жағдай, вирус 10 348 адамның өмірін қиды.

Қазақстанда қазіргі уақытта коронавирустық инфекцияның 444 жағдайы расталды, үш адам көз жұмды.

Ресейде — 3548 жағдай, 30 адам көз жұмды.

Қырғызстанда — 116 адам, қайтыс болғандар туралы хабарланған жоқ.

Өзбекстанда — 205 және 2 өлім.