Әкесі құрсақта жатқан егіздердің бір-бірімен төбелескен сәтін көрсетті — Қазақстан жаңалықтары

Анасының құрсағынан УКС арқылы түсірілген егіз сәбилердің төбелесі көпшілікті таңғалдырды. 

28 жастағы Тао есімді қытайлық азамат жүкті әйелінің құрсағындағы егіз балалардың видесын жариялады. Кадрдан егіз қыздардың бір-бірін жұдырығымен ұрып жатқаны байқалады. Бұл көрініс балалардың әкесін күлкіге қарық қылды.

Ал, дәрігерлер мұның қауіпті екенін айтады. Әдетте егіздер құрсақта өзіндік амниотилық қабында болады. Бұл бір-бірінен бөліп тұрады. Ал, бұл жолы егіздер бір ғана амниотикалық қапта. Бұл сирек кездеседі. Соққыдан екеуі немесе бірі өлі тууы мүмкін. Ондағы негізгі қауіп — бала тыныс алатын кіндіктің қысылып қалуы. Мұндай жағдайда балалардың тірі қалуы 50 пайыз. 

Не дегенмен егіз қыздар аман-есен өмірге келді. Екеуі де сау. Бірі 1630, бірі 1950 грамм салмақта. 

Әкесі қыздарының тумай жатып жұлдыз болып кетерін білмегенін айтады. Ол УКС арқылы егіздердің бір-бірін құшақтап жатқанын да көрген. 

«Олар бір-біріне мейірімді, бауырмал болады деп сенемін», — дейді әкесі.