Айқын Төлепберген фильм түсірмек — Қазақстан жаңалықтары

Әріптестерінен қалмайын деді ме, Айқын Төлепберген де енді кинематография саласында өзін сынап көрмек. Ол алдағы күзде романтикалық комедия жанрында фильм таспалауға дайындалып жатыр. Бұл картинада Айқын актер әрі продюсер ретінде бой көрсетеді.

Бұл туралы Stan.kz «Гәкку» арнасына сілтеме жасап хабарлайды. 

«Алла қаласа, кино түсірейін деп жатырмын. Елдің бәрі таңғалады. «Сен кино түсірейін деп жатсың ба? Өзің түсіресің ба?» — дейді. Енді продюсер ретінде ғой», — дейді Айқын. 

Өнер иесі әріптестерінен алысқа кетпей, романтикалық комедия жанрында бағын сынап көрмек.

«Себебі Қазақстанда фантастикалық фильм түсірілсе, сіз бармайсыз. Фантастикалық кино үшін бюджет миллионнан асу керек. Ресейдің түсіріп жатқан киноларына да ешкім барып жатқан жоқ. Себебі фантастиканы бәрібір түсіре алмаймыз. Басқа киноларға қарағанда комедияны түсіру жеңілдеу», — деп түсіндірді Айқын.

Айқын фильмнің түсіріліміне алдағы күзде кірісіп, келер жылы көрерменге ұсынбақ. 

«Алла қаласа, сценарийін жазып жатырмыз. Кім жазып жатқанын айтпай-ақ қояйын, өзім де атсалысып жатырмын. Себебі тәжірибем бар, бейнебаян көп түсірдім», — дейді Төлепберген.