Әйел балаларды аяусыз ұрып-соғатын атасынан қорғауды сұрады

Алматыда қарт ер адам немересін аяусыз ұрып-соққаны түсірілген видео жұртты шошытты. Енді осы жағдайға қатысты жаңа деректер пайда болды, деп хабарлайды «Астана» арнасы.

Видеоны баланың анасы түсірген екен. Белгілі болғандай, әйел ұзақ уақыт бойы өзін және балаларын туыстарынан қорғауды сұрап келеді.

Еріктілер анықтағандай, ер адам немерелерін осылай жиі жазалайды. Отбасында үш бала бар. Ажырасқаннан кейін олардың анасы Светлана ата-анасына қайта оралған. Бірақ балалары жиі қорлық көреді. Әйел бұл туралы Instagram-дағы парақшасында жазып, көмек сұрайды. Пәтер жалдауға қаражат керек екенін айтады.

«Оны атасы мен әжесі ұрады. Анасы өзін және балаларын мезгіл-мезгіл мазақ етіп, ұрып-соғатын ата-анасынан қорғауды сұрайды. Оған тек дағдарыс орталығы ұсынылады. Қыз құқық бұзушылар балаларды ұрып-соққаны үшін жазалануы жолында әділеттілікке қол жеткізуге тырысады. Билік реакция білдіріп, мәселені шешеді деп үміттенеміз. Бұл бірінші жыл болып жатқан жағдай емес», — деді «ДОБРО.KZ» еріктілер тобының жетекшісі Адэма Сұлтанова.

Бұл іспен «НеМолчи» қоры да айналысты. Баланы ұрып-соғу үлкен қоғамдық резонанс тудырды. Қамқоршылық және полиция органдарының араласуынан кейін атаның тағдырын сот шешеді. Ол нақты жазаға, 10 тәулікке дейін қамауға алынады.

«Азамат И. анықталды, сол кезде ол наркологиялық диспансерде мәжбүрлі емде болған. Оған қатысты ұрып-соғу фактісі бойынша материалдар жиналды. Сараптамаға сәйкес, оның денсаулығына жеңіл зиян келтірілген. Әйелдің ата-анасымен және үш баласымен бірге тұратыны анықталды. Ол ата-анасымен жанжалдасуы мүмкін», — деді Алматы қаласы ПД ресми өкілі Салтанат Әзірбек.

Осыған қарамастан, балалардың анасы дағдарыс орталығының қызметтерінен бас тартты, қазір ол Алматы облысындағы туыстарына уақытша көшіп келді.

Еріктілермен әңгіме барысында Светлана балалардың әкесі ата-ана құқығынан айырылғанын айтты. Отбасына атаулы әлеуметтік көмек берілмеген, үш баласы бар ана тұрғын үй кезегіне де тұра алмайды.