Home Жаңалықтар Аяжан Еділованы өлтірді деген күдікке ілінген азамат ауруханадан шықты

Аяжан Еділованы өлтірді деген күдікке ілінген азамат ауруханадан шықты

0
593

Алматыда 19 жастағы Аяжан Еділованы өлтірді деген күдікке ілінген 28 жастағы азамат ауруханадан шықты. Бұл туралы ақпаратты Azattyq Rýhy тілшісіне Алматы қалалық прокуратурасының баспасөз хатшысы Кенесары Бағбанұлы растады.

Естеріңізге сала кетейік, 26 наурызда Алматы қаласы полиция департаментінің баспасөз қызметі 19 жастағы қызды айуандықпен өлтірген қанды оқиға жайлы баяндады.

Күдікті қылмыстың ізін жасыру үшін қыздың денесін қаланың әр ауданындағы қоқыс контейнерлеріне апарып тастаған. Ұсталған азамат жедел іздестіру тобына бұл мәлметтерді өзі айтып берген. Содан кейін күдікті Алматы қалалық №7 клиникалық ауруханасына жатқызылды. Ол осы оқиғадан кейін өзіне қол жұмсамақ болған.

Алматы прокуратурасы баспасөз қызметінің хабарлауынша, күдікті ауруханадан шығарылып, ПД жанындағы уақытша ұстау изоляторына 2 айға қамауға алынды.

Күдікті – Түркістан облысының тумасы, бұрын сотталмаған.

1$, 5$, 10$... Тәуелсіз KzNews жобасына қолдау көрсету