42500 теңге төлемі: өтініштерді қайта қарау ережелері бекітілді — Қазақстан жаңалықтары

42500 теңге мөлшеріндегі әлеуметтік төлемдерден бас тартылған азаматтардың өтініштерін қарау тәртібі бекітілді, деп хабарлайды Stan.kz ақпарат агенттігі еңбек және халықты әлеуметтік қорғау министрлігінің баспасөз қызметіне сілтеме жасап.

«42500 теңге төлемі тағайындалмағандығымен келіспейтін азаматтардың өтініштеріне байланысты еңбек және халықты әлеуметтік қорғау министрлігі төлемдерді тағайындау ережелеріне өзгерістер енгізді.

Әлеуметтік төлемдерді тағайындау туралы өтініштерді қайта қарау үшін аудандық (қалалық) штабқа растайтын құжаттарды қолдана отырып тиісті өтініш беру керек», — делінген хабарламада.

Өтініш беру:

Жұмыс берушілерге — ШОБ, ірі кәсіпорындардың қызметкерлері (карантин енгізілген өңірлерде), коммерциялық емес заңды тұлғалар үшін. Сонымен бірге, өтініштер тек әлеуметтік төлемдер тағайындаудан (тоқтатудан) бас тарту туралы шешімдері бар қызметкерлерге ғана беріледі.

Өз бетінше — жеке кәсіпкерлер, жеке практикамен айналысатын тұлғалар, БЖТ төлеушілер, азаматтық-құқықтық келісімшарттар бойынша жұмыс істейтін адамдар, олар үшін әлеуметтік төлемдерді тағайындаудан бас тарту туралы шешімдер бар.

Растайтын құжаттар тізімі:

Қызметкерлеріне өтініш берген жұмыс берушілер үшін:

— ақысыз демалысқа жіберу туралы бұйрықтар;

— төтенше жағдай кезінде жұмыс берушінің кірісін жоғалту фактісін растайтын құжаттар;

— мемлекеттік кірістер органдары қабылдаған декларация.

Жеке кәсіпкерлер мен жеке практиктер үшін:

— мемлекеттік кірістер органдары қабылдаған декларация;

— кірісті жоғалту фактісін растайтын құжаттар.

Қызмет көрсету туралы келісім бойынша жұмыс істейтін адамдар үшін:

— заңды тұлғамен жасалған жұмыстарды орындау туралы шарты.

Ұсынылған құжаттарды қарастырғаннан кейін аудандық (қалалық) штаб 42500 теңге әлеуметтік төлемдерді тағайындау құқығының болуы / болмауы туралы қорытынды жасайды.

Карантин талаптарын ескере отырып, жаппай адамдардың жиналуын алдын алу үшін өтінімдер 2020 жылдың 1 желтоқсанына дейін қаралады.