2019 жылдың 2 маусымына арналған ауа райы болжамы

Бірқатар өңірде найзағай ойнап, бұршақ жаууы мүмкін

НҰР-СҰЛТАН, 1 маусым – Sputnik. Ертең, 2 маусымда республиканың барлық дерлік аумағында найзағай ойнап, жел күшейеді, деп хабарлайды Қазгидромет.

Мегаполистердегі ауа райы

Нұр-Сұлтанда көшпелі бұлт шығады, күндіз +27, түнде +16 градус жылы.

Алматыда жаңбыр жауып, найзағай жарқылдайды деп болжанып отыр, күндіз +22, түнде +18 градус.

Шымкентте де найзағай ойнап, жаңбыр жауады, күндіз сынап бағанасы +27, түнде +19 градусты көрсетеді.

Өңірлерде ауа райы қандай болады

Солтүстік Қазақстан облысында кей жерлерде найзағай жарқылдап, күндіз дауыл тұрады, бұршақ түсуі мүмкін. Желдің жылдамдығы 15-20 м/с, екпіні 23-28 м/с дейін күшейеді деп болжануда.

Синоптиктер алдағы жарты жылға болжам жасады

Қостанай, Шығыс Қазақстан, Жамбыл және Түркістан облыстарында найзағай ойнайды, дауыл тұрады, жел күшейеді, бұршақ жаууы мүмкін.

Ақмола облысының кейбір аймақтарында – найзағай және қатты жел. Бұршақ түсуі ықтимал.

Алматы облысында да кей жерлерде найзағай жарқылдайды, желдің жылдамдығы 15-20 м/с дейін күшйеді, бұршақ жаууы мүмкін.

Батыс Қазақстан, Ақтөбе облыстарында да – найзағай, қатты жел. БҚО-да күндіз бұршақ жауады деп болжанып отыр.

Қызылорда облысында кей жерлерде найзағай жарқылдап, дауыл тұрады, таңертең және күндіз желдің жылдамдығы 15-20 м/с дейін күшейеді.

«Болжамдар нақты емес»: Қазгидромет директоры синоптиктерге айтылған сынға жауап берді

Павлодар облысында – найзағай, тұман, жел (18 м/с).

Қарағанды облысында тұман түсіп, күндіз найзағай ойнайды, жел тұрады.

Атырау облысында күндіз аптап ыстық болады.