Кіші мектеп жасындағы психодиагностика

Жоспар

Кіріспе

Негізгі бөлім                

А) Кіші мектеп  жасындағы психодиагностика.

Б) Кіші мектеп жасындағы оқушылардың оқуға дайындығын анықтауға  арналған  әдістемелер.

В) Оқыту барысында балалардың  танымдық белсенділігін қалыптастыру

Қорытынды

Пайдаланылған әдебиеттер

Кіші мектеп  жасындағы психодиагностика.

Кіші мектеп  жасындағы балаларды  психодиагностикалау ерекшеліктері

Мектепке келген бастап , баланың психологиялық даму деңгейі   жекелік ерекшеліктерінің  дамуы ұлғая бастайды. Бұл ерекшеліктер ең алдымен олардың ақыл-ой, моральдық даму деңгейлерінің  көріністерінен байқалады. Олар ортақ нұсқаулар және психодиагностикалық жағдайларға түрліше әсерлене алады. Кейбір балалардың  көзқарастары өз деңгейінде  қалыптасқан, психодиагностика тапсырмаларын қиналмастан орындайды, ал кейбір  4-6 жастағы әлсіз дамып келе жатқан балалар мектепке  дейінгі тапсырмаларды ғана орындайды.

Сондықтан да  кіші мектеп жасындағы балаларға қандай да бір психодиагностикалық әдістемені  пайдаланбас бұрын, психологиялық даму деңгейін шынайы бағалау үшін, баланың  ақыл-ой деңгейіне  сәйкестігін, тіпті жеңіл болып кетпеуін қадағалау қажет.

6-7 жастағы балалардың мектепте оқуға даярлығын қарастыратын болсақ, орта есеппен алғанда олардың 50-80% қандай да бір ерекшелігі және кіші мектеп  бағдарламасы бойынша  материалдарды толық игеруге, жалпы мектепте оқуға  әлі дайын болмайды. Көпшілігі дене бітімі бойынша оқуға дайын болса, психологиялық даму деңгейі  бойынша мектепке  дейінгі  баланың (5-6 жас) деңгейіне  сәйкес болып тұрады. Егер мұндай балаға жеткілікті күрделі, жас ерекшелігіне сәйкес ырықты, ырықсыз зейін, есте сақтау және қиялға арналған психологиялық тест ұсынсақ, бала оны  орындай алмайды.

Мұндай қиындық ақыл-ой қабілетінің  жетіспеуінен емес, тұлғалық-психологиялық даму деңгейінің  жетіспеушілігі себебінен  туындайды. Егер, керісінше, тура сол тест тапсырмаларын ойын түрінде  ұсынатын болсақ, тестілеу нәтижелері  жоғары болуы ықтимал.

Бұл жағдайды мектепке келген, әсіресе бірінші және екінші сынып балаларын диагностикалауда  міндетті түрде ескеру қажет.

Үшінші және төртінші сынып оқушыларына қатысты айтатын болса, оларды психодиагностикалау үшін ересек адамдарға арналған тесттерді қолдануға болады, бірақ тест тапсырмалары  оларға түсінікті болуы керек. Түсінікті дегеніміз ол тапсырмалардың  бала қабілеттеріне  сәйкес болуы. Ескеретін жайт, күшті мотивация, қызығушылық, тестілеуге белсенді ұмтылыс болса, оның  нәтижелері  жоғары болады.

Кіші мектеп жасындағы оқушылардың оқуға дайындығын анықтауға  арналған  әдістемелер.

1. Сенің аты-жөнің кім ?
2. Ата-анаңның есімдері кім ?

3 .Сенің ата-анаң кім болып жұмыс істейді ?

4. Сен қай жерде тұрасың ?
5. Сен ұлсың ба ,әлде қызсың ба? Өскенде әпке боласың ба, тәте боласың ба ?
6. Сенің ағаң немесе әпкең бар ма ? Олардың қайсысы үлкен ?
7. Сен нешедесің, бір жылдан кейін неше жаста боласың, екі жылдан соң нешеге толасың ?
8. Қазір кеш мезгілі ме, әлде түс мезгілі ме ?
9. Сен таңғы асты таңертең ішесің бе, әлде кешке ішесің бе ?
10. Алдымен кешкі асты іше ме, әлде түскі асты іше ме ?

11.Қазір қай жыл мезгілі:қыс па әлде көктем бе ; жаз ба, күз бе?

Неге олай  ойлайсың ?

12. Шанамен қай кезде сырғанайды, қыста ма, әлде жазда ма ?
13. Не үшін қар қыста жауады, неге жазда жаумайды ?
14. Почташы не істейді? Мұғалім ше, дәрігер ше ?
15. Мектепте қоңырау не үшін беріледі ? Парта, сумка не үшін

қажет ?

16. Сенің мектепке барғың келе ме ? Не үшін барғың келеді ?
17. Оқушы жауап бергісі келсе қай қолын көтереді ?
18. Сенің сурет салғың келе ме? Сенің қарындашыңның түсі қандай?
19. Оң көзің қайсы, сол құлағыңды көрсетші. Құлақ пен көз не үшін

керек ?

20. Қандай жануарларды , құстарды білесің ?
21. Сиыр үлкен бе, ешкі үлкен бе ; құс үлкен бе ,ара ма ? Иттің аяғы

көп пе, әтештің  аяғы көп пе ?

22. Қай сан үлкен: 8 әлде 5; 5 әлде 3 ? 6-дан 9-ға дейін және 5-

тен 3-ке дейін   сана.

23. Біреудің затын сындырып алсаң, не істер едің ?

Нәтижені   өңдеу.

1.Барлық сұраққа дұрыс жауабы  үшін — 1    ұпай беріледі

(бақылау жұмысынан бөлек).

2.Бала дұрыс ,бірақ толық емес жауабы үшін — 0,5 ұпай ала алады.

3.Дұрыс жауап деп, сұраққа мағыналас жауап беруді есептеуге болады.

Мысалы:”Менің әкем Қарағанды шахтасында істейді”,  “Әтешке қарағанда иттің   аяғы көп: итте 4 аяқ,  әтеште 2 аяқ ”.

Жауап  мына жағдайда қате болады:

«Мама Айша»,   “Әкем 1 жұмыста істейді”  және     жылдардың белгілерін білмесе немесе ажырата  алмаса;   «көп»,  «аз» ұғымдарын ажырата алмаса.

4.Зерттеуге келесі сұрақтар  жатады:   4 , 7, 10,  14,22.

Олар былай бағаланады:  4- қаланың атын атап,  толық мекенін айту- 2 ұпай;

7- егерде бала өзінің нешеде екенін білсе -1 ұпай,  егер айын есептей алса- 3 ұпай;

10- жыл мезгілдерін белгілеріне сәйкес айта білсе (ең болмағанда 3 белгісін)- 2 ұпай;  3-ке дейін атаса -1 ұпай;

14- мектеп атрибуттарын дұрыс атаса- 1 ұпай;

22-дұрыс жауапқа –2 ұпай;

5. 15-ші сұрақ 14 және 16-шы сұрақтар бойынша бағаланады.  Егер ұпай саны  14-сұраққа-3 ұпай және 15,16 сұрақтарына дұрыс жауап берсе—«Мектепте оқуға дайын» деп саналады.

Есте сақтау үрдісінің динамикалық ерекшеліктері

Орындалуы: Балаға 10 сөзден тұратын сөздер қатары  беріледі. Әрбір реттің қайталануынан бала қателеспейтіндей қатардағы сөздің саны анықталады.

Балаға есте сақтау үшін сөздер қатарының  ішінен біреуін таңдау ұсынылады:

1. Үй, парта, ақ, жақсы, алмұрт, бор, күшті, кесе, шырақ, үстел;
2. Мысық, қаламсап, қызыл, машина, биік, бояу жаққыш, мама, кітап, тауық;
3. Ит, терезе, гүл, кілем, төмен, конверт, аспан, әріп, түс;
4. Сағат, жел, балық, жұлдыз, піл, кәмпит, қағаз, стөл, жіп;

Ескерту. Бастауыш сыныптағы және мектепке енді баратын балалардың есте сақтау үрдісінің  динамикалық ерекшеліктерін  анықтауда , әртүрлі сөздердің жинағын тиімді қолдануға болады.

Қайталаудың саны және оның қайта жаңғырту бұл әдісте 6 рет қана жасалады. Есте сақтауды тексеру қорытындылары график түрінде беріледі. График негізінде есте сақтаудың 2 түрлі динамикалық көрсеткіші анықталады.

• есте сақтау динамикасы
• есте сақтау жемістілігі

Сөз қатарының қайталану саны.

Есте сақтау процесінің динамикасы мінез бойынша қисық құрылады. Қайталаудан қайталауға  дейін қисық жоғары бағытталса, бұл жеткілікті динамикалық болып табылады.

Егер қайталаудан  қайталауға дейін нәтиже жақсармаса, орташа динамикалық болып табылады.  Егер керісінше жақсарса динамикалық емес процесс болып табылады.

Нәтиже бағасы

Алынған мәліметтер бойынша келесі шкалалар бойынша 3 бағаның  біреуіне ие болады.

Есте сақтаудың жеткілікті динамикасы -өте жақсы.

Орташа динамикалық – қанағаттандырарлық.

Динамикалық емес – қанағатсыз.

Есте сақтау өнімділігі ұпай бойынша көрсетіледі.

10 ұпай – бала 10 сөзді де қатесіз есте сақтайды.

8-9 ұпай – бала 6 рет қайталанғанда 10 сөзді есте сақтайды.

6-7 ұпай — 6 рет қайталанғанда бала 7-9 сөзді дұрыс есте сақтайды.

4-5 ұпай — 6 рет қайталанғанда бала 4-6 сөзді  дұрыс есте сақтайды

2-3 ұпай — бала тек 2-3 сөзді ғана есте сақтады.0-1 ұпай -6 рет қайталанғанда бала тек 1 ғана сөзді есте сақтайды.

Тікелей емес есті анықтау

Қажетті құралдар:  парақ, қағаз, қалам.

Нұсқау: «Мен қазір саған әр түрлі сөздер мен сөйлемдерді айтамын, мұнан кейін шағын үзіліс болады. Бұл уақытта сен параққа суретін саласың немесе есіңде қалған сөздерді жазуың керек. Суреттерді немесе жазбаларды тез арада орындау қажет, әйтпесе біз барлық тапсырмаларды орындап үлгермейміз. Сөздер мен сөйлемдердің айтылуын міндетті түрде есте сақтау керек».

Үй. Таяқ. Ағаш. Жоғары секіру. Күн жарқырап тұр. Көңілді адам. Балалар доп ойнап жүр. Сағат тоқтап тұр. Қайық өзеннің бойында жүзіп жүр. Мысық балық жеп отыр.

Балаға әрбір сөзді немесе сөз тіркестерін оқығаннан соң зерттеуші 20 секунд үзіліс жасайды. Осы уақыттың ішінде бала параққа бір нәрсені бейнелеп үлгеру керек, сол сурет арқылы ол қажетті сөздерді және айтылуын еске түсіреді. Егер осы берілген уақытта  бала тапсырманы орындай алмаса, онда зерттеуші оны тоқтатып келесі сөздерді оқиды.

Зерттеуді аяқтаған соң психолог баладан суретті және жазуларды қолдану арқылы оқыған сөздерді  еске түсіруін сұрайды.

Бағалау нәтижесі

Әрбір дұрыс айтылған өзіндік сурет  немесе жазылған сөздер және  сөз тіркестеріне  бала 1 ұпай алады. Дұрыс айтылған  сөздер мен  сөз тіркестері  есептеліп қана қоймай, есте сақтаудың қалпына келуі тура мағыналы сөздермен тексеріледі. Шамамен дұрыс айтылғандар 0,5 ұпаймен,ал қате  сөздер 0  ұпаймен бағаланады.

Әдістеме қорытындысы бойынша жоғары баға 10 ұпайға тең. Мұндай бағаны бала тек қана сөздер мен сөздің айтылуын дұрыс еске түсіргенде  алады. Төменгі баға — 0 ұпай: бала өзінің суреті бойынша және жазылуы бойынша бірде – бір сөзді жаза алмайды, сурет сала алмағандықтан  есіне түсіре алмайды.

Даму деңгейінің қорытындысы.

10 ұпай — өте жоғары дамыған есту есі;

8-9 ұпай – жоғарғы дамыған есту есі;

4-7 ұпай – орташа дамыған есту есі;

2-3 ұпай – төмен дамыған есту есу;

0-1 ұпай — өте төмен дамыған есту есту

«Әңгіме  құрайық» әдістемесі

Мақсаты: Қиял деңгейін анықтауға арналған.

Орындалуы: Балаға  әңгіме  құрауға тапсырма  беріледі. Ойланып, әңгіме құруға 1 минут, ал оны қайталап айтуға 2 минут уақыт беріледі.

Қорытынды баға

Бұл әдістемеде  баланың қиялының даму деңгейі  төмендегі көрсеткіштер  бойынша бағаланады:

1. Әңгімені ойлану жылдамдығы;
2. Әңгіменің өзіндік құрылымы, ерекшелігі;
3. Әңгімеге пайдаланған бейнені түрлендіру;
4. Әңгімеде алынған бейнені анықтауы және талдауы;
5. Әңгімеде алынған бейненің  сезімділігі, әсерлілігі;

Әрбір көрсеткіш бойынша төмендегі тәртіппен 0,1 не 2 ұпай қойылады:

• көрсеткіш бойынша:

а) Егер бала әңгіме құруға 30 сек уақыт жұмсаса –2 ұпай

б) 30 секундтан 1 минутқа  дейін уақыт жұмсаса –1 ұпай

в) 1 минут ішінде әңгіме ойлап таба алмаса – 0 ұпай

2 – көрсеткіш бойынша:

а) Егер бала бұрын көргенін, не естігенін жай  жаттанды түрде  әңгімелесе –0 ұпай

б) Бұрын көргеніне, не естігеніне  өз ойын  қосса – 1 ұпай

в) Әңгіменің  құрылымы мен ерекшелігін түгел өзі ойлап тапса –2 ұпай

3 – көрсеткіш бойынша:

а) Егер бала әңгіменің  басынан  аяғына дейін бір кейіпкердің  (жағдайын, затын) мінез-құлқын жалаң түрде қайталап айта берсе – 0 ұпай

б) Әңгімеде әртүрлі бейне қолданса, 2-3 кейіпкер кездессе және оларға әртүрлі мінездеме берілсе – 1 ұпай

в) Әңгімеде 4 және одан да көп кейіпкерлер  болса және әңгімелеуші  оларға әртүрлі бағытта мінездеме берсе – 2 ұпай

4 –көрсеткіш бойынша:

а) Егер бала әңгімеде кейіпкерді атап қойып, оған қосымша мінездеме  бермесе – 0 ұпай

б) Әңгімеде кейіпкерді атаса  және басқа 1-2 белгі көрсетсе –1 ұпай

в) Әңгімеде айтылған зат үш және одан да көп белгімен

сипатталса – 2 ұпай

5 –  көрсеткіш бойынша:

а) Егер әңгімедегі бейне тыңдаушыға ешқандай әсер

қалдырмаса, әңгімелеуші  өз тарапынан ешқандай сезім

тудырмаса –0 ұпай

б) Әңгімелеуші өз сезімін жеткізе алмаса, тыңдаушы оны әсерсіз қабылдаса –1 ұпай

в) Әңгімелеуші әңгімесін үлкен сезіммен,  мәнерлеп жеткізсе және тыңдаушыларға жақсы әсер қалдырса –2 ұпай

Қиял деңгейінің көрсеткіші

10 ұпай — өте жоғары

8-9 ұпай – жоғары

4-7 ұпай – орташа

2-3 ұпай – төмен

• ұпай — өте төмен

           Оқыту барысында балалардың  танымдық

белсенділігін қалыптастыру

Кең аялы танымдық бағыттылық (білім алуға деген қызығушылық, қиыншылықтарды жеңуге талпыну) мектеп табалдырығындағы оқу барысымен барынша қалыптастырылады. Оқу-білімге құштар болу терең сипаттар ретінде ерекше жұмыс жасауды қалыптастыруды талап етеді. Танымдық мотивтерді қалыптастыруға оқу барысын жақсартудың барлық құралдары да көмек береді. Олар мыналар: мәнінің жаңарып, пәнаралық байланыстарының нығаюы, оқу әдістерінің жақсарып, проблемалық-дамытушы оқу жұмыстарын өңдеу және тарату, сабақ беру құрылымын үлгілеу, сабақ үстінде өз бетінше жұмыс жасау  формаларының кеңеюі, мектеп балаларының оқу қызметтерінің белсенділігі, өзін-өзі тәрбиелеу жұмыстары бойынша, балалардың сабақ үстіндегі оқу іс-әрекетін белсенді ету.

Қазіргі заман талабына сай оқыту әдістерін қолдану білімпаздық мотивтердің барлық түрлеріп, ең алдымен, білімге құштарлық, оқу процесіне және оның маңызына деген қызығушылық секілді кең аялы білімпаздық мотивтерді жақсартады. Бала  мәселені шешу жолында қаншалықты оның түрлі әдістерін ізденіп, талқылайтып болса, мәселені, тексерудің түрлі жолдарын қарастыратын болса, сөзсіз, оның оқу-танымдық мотивтері дс жақсара түседі — білім алу әдістеріне қызығушылығы арта түседі. Мектеп балаларының мақсат қою қасиеті де анағұрлым кемелді мәнге ие болады.

Оқу-танымдық мотивтерінің барлық түрлерін қалыптастырудың негізгі артық қорларының барлығы және өзін-өзі тәрбиелеу мотивтері мектеп балаларының оқу іс-әрекеттерінің белсенділігі болып табылады. Бұл белсенділік мектеп балаларының оқу жұмыстарының түрлі формаларында іске асуы мүмкін. Олардың бірнешеуін атап өтейік.

1. Оқытушының жетекшілігімен іске асатын оқу іс-әрекеті оқу іс-әрекетінің барлық бөлшектері (оқу тапсырмасы, оқу әрекеттері, өзін-өзі бақылау және өзін-өзі бағалау әрекеттері) оқытушының көмегімен орындалып, қабылданады. Бұған көптеген жаттығулар және оқу қызметін түрлендіруге арналған сұрақтар мен талдауларды сабақ үстінде пайдалану жәрдемдеседі. Мысалы, мұғалім оқушыға мынандай тапсырмалар береді: «Сенің жұмысынның нәтижесі қандай болады, оған сен қандай әдістермен жеткің келеді, осы нәтижеге жетудің басқа да жолдары бар ма, осы әдістерді өзара салыстырып көр.

Орындап жатқан жұмысынның тапсырмасын анықта, осы тапсырмаға сай әрекет әдісін таңда, тапсырманы өзгертіп, әдісінің қалай өзгеретініне қара.

Өзіңнің оқу жұмыстарынның кезеңдерін анықта: тапсырманың қойылуын, әрекеттер әдістерінің таңдауларын, өзін-өзі бақылау және өзіне-өзі баға беру әрекетерінің орындалуын; нақты жұмыс материалдарында кезекпелі осы кезеңдерді өзің орындап шық, өзіңнің жұмысынның кезекпелі кезеңдерін жобалар-белгілер түрлерінде кестелеп жазып ал.

Өзіңнің оқу жұмысыңды жоспарла: оның ең алшақ тапсырмасы неде, ең таяу мақсаты ше, осы тапсырмаларды шешу үшін қандай әрекеттерді орындау керек. Бірінші, екінші, үшінші әрекеттерді ата, әрбір жұмыс кезеңіне

қанша уақыт кететінін анықта, қандай кезең сен үшін объективті қиындау, қайсысы оңайлау, сен қандай әрекеттерге машықсың, қайсы әрекеттерді   нашар орындайсың».

Мұғалім біртіндеп оқу жұмыстарының барлық құрамдас бөлшектерін мектеп балаларына өз беттерінше орындауға тапсырады. Психологтар өз беттерінше жаттығулар орындау өзін-өзі қадағалау мен өзіне-өзі баға беруден басталады деп санайды. Бұл оқу қызметінің келесі формасына алып келеді.

2. Өз беттерінше оқу қызметтерін атқару оның бір немесе бірнеше бөлшектерін мектеп оқушылары мұғалімнің көмегінсіз орындап шыққанда іс жүзіне асады. Дидакттар өз беттерінше үйрену — бұл, мұғалімнің тікелей қатысуынсыз, бірақ оның тапсырмасымен, осыған бөлінген арнайы уақытта орындалып шығатын еңбек түрі екенін атап көрсетеді. Өз бетінше оқу жұмысының қалыптасуына мұғалімнің келесі тапсырмалары мен сұрақтары мүмкіндік береді, ол мектеп оқушыларының оқу іс-әрекетінің бір бөлімінен екінші бөліміне өтуін қамтиды. — «Біз қазір сабақта берілген тапсырманы анықтадық. Енді қандай қадам жасауымыз керек, тапсырманы қойғаннан кейін не істеуіміз керек екенін кім айтады?

Біз өз жұмысымыздың бірнеше әдістерін анықтадық. Енді не істейміз?

Біз бұл әдістерді салыстырдық, оларды шарттарға қатысты,  олардың болжамды нәтижелеріне   қатысты қарастырдық. Енді не істейміз?» Осылай жалғаса береді

3. Мектеп балаларының өзін-өзі тәрбиелеу жұмыстары — мектеп балаларының өз жетекшілік ететін, оны өзі қойған тапсырмаларға, мотивтерге, мақсатына сай іске асыратын танымдық тұрғыда еңбек етуі. Өзін-өзі тәрбиелеу жұмысы түрлі деңгейлерден тұрады: ол мектеп оқытуына «ұштас», өзін-өзі тәрбиелеудің жеке кезеңді формаларының түрінде және ең соңында, мектеп оқушысының өзін-өзі тәрбиелеу және өздігінен білім жұмысында ерекше өріс алган еңбегіне айтталуы ықтимал. Бұл дәрежелердің барлығы да мұғалімнің жетекшілігін қажет етеді.

Мұғалімнің мектеп балаларының өз беттерінше атқаратын оқу жұмыстарына жетекшілік етуі сабақта, үйірмелік және факультативті жұмыстарында, «Оқып үйрену» тақырыбына арналған оқу жиналыстарында іске асады.

Оқудың жағымды мотивациясын дамытуды қалыптастыруда мектеп балаларының өз бетінше жұмыс жасау тәсілдерін атап өтейік:

— тақырыптың мазмұнын қайта қарау тәсілі, оқу материалдарының іріленуі, ондағы бастапқы мақсаттардың, қағидалардың, заңдардың айрықшалануы, тапсырманы шешуде жалпылама әдістемені үгу, мектеп балаларының белгілі бір түрдегі тапсырмалар жүйесін өз бетінше құруы;

— оқу мәдениетінің тәсілдері (мысалы, ірі синтагмалармен «қарқынды оқу») және тыңдау мәдениеті, қысқа және нақ жазба тәсілдері (көшірмелер, жоспар, конспект, аннотация, реферат, рецензия, кітаппен жұмыс жасаудағы жалпы тәсілдер);

— есте сақтаудың жалпы тәсілдері (оқу материалын құрылымдау, мпемотехпиканың бейнелік және тыңдап есте сақтау қабілетінің ерекше тәсілдерін пайдалану);

— мектеп балаларының өзін-өзі бақылаудағы түрлі тәсілдерді, өзінің жұмысын кезеңді тексеру, тексерудің «бірліктерін» айрықшалау, тексеру тәртібі, т.б. пайдаланып зейінін арттыру тәсілдері;

— қосымша ақпарат ізденісінің жалпы тәсілдері (кітапханалық анықтамалармен, каталогтармен, сөздіктермен, энциклопедиялармен жұмыс жасау) және оларды үй кітапханасында сақтау;

— емтихандарға, сынақтарға, семинарларға, зертханалық жұмыстарға дайындалу тәсілдері;

Жоспар

Кіріспе

Негізгі бөлім

А) Кіші мектеп  жасындағы психодиагностика.

Б) Кіші мектеп жасындағы оқушылардың оқуға дайындығын анықтауға  арналған  әдістемелер.

В) Оқыту барысында балалардың  танымдық белсенділігін қалыптастыру

Қорытынды

Пайдаланылған әдебиеттер

1. Нұрмағанбетова Т.Р. «Тәжірбиелік психология 1 том»
2. Нұрмағанбетова Т.Р. «Тәжірбиелік психология 2 том»
3. Ұлағат журнал 2006. 2
4. С.Мұқанов «Жас ерешелік психологиясы»