Ю дыбысы мен әрпі, сауат ашу, бастауыш сыныптарына арналған

Сауат ашу сабағы
Сабақтың тақырыбы: Ю дыбысы мен әрпі
Сабақтың мақсаттары:
1) Білімділік: Ю ю дыбысы мен әрпін таныстыру, дыбыс пен әріпті ажырата білуге үйрету. Кеспе әріптерден буын, сөз, сөйлем құрату. Ю дыбысы бар сөздерге дыбыстық талдау жасай білуге үйрету.
2) Дамытушылық: Ойлау, есте сақтау қабілеттерін арттыру, сөздік қорларын молайту, қызығушылығын, белсенділігін дамыту, сауатты жазуға баулу.
3) Тәрбиелік: Әдептілікке, еңбексүйгіштікке тәрбиелеу.

Сабақтың көрнектілігі: Ю дыбысының баспа, жазба түрі, кеспе әріптер, буындар, суреттер, текшелер, дәптер, үлестірмелі қағаздар.
Сабақтың әдісі: Сұрақ – жауап, түсіндіру, ойын, көрнектілік.

Сабақтың барысы:
1) Ұйымдастыру
2) Үй тапсырмасын сұрау.
Үй тапсырмасын қорытындылау
1) Я қандай дыбыс?
А) дауысты
б) дауыссыз
2) Я дыбысы сөздің қай жерінде кездеседі?
А) ортасында
Ә) басында
Б) барлық буында

Жаңа сабақ. Жұмбақ жасыру
Тәтті көрсе бас салар
Айнымайды баладан
Үп — үлкен боп жасқанар,
Кіп-кішкентай арадан (аю)

«Аю» сөзінде неше буын бар.
Бізге таныс емес қандай дыбыс естіліп тұр? (хормен айту)
— Қандай дыбыс екен?
— Дауысты
— Ю ю дыбысының баспа, жазба түрлерімен таныстыру
— Ю дыбысын айтқанда й — у қосарлы дыбысы естіледі, жазғанда ю болып жазылады.
Ю дыбысы өз алдында жеке буын жасай алады. Мысалы: а — ю, қо — ю, құ — ю

Аюды сипаттау. Аюдың суретін көрсету.
— Аю
↓
қоңыр
аңғал
батыл
жылдам
жыртқыш

Жұмыстың осы түрін көрсете отырып, оқушылардың жануарларға деген сүйіспеншіліктерін арттырып, табиғатқа қамқорлық жасауға, мейірімділікпен қарауға тәрбиелеу.

Оқулықпен жұмыс.
Сурет бойынша әңгіме құрастыру. Мағынасына тоқталу. (балалардың өз ойларын ортаға жасқанбай жеткізе білуге тәрбиелеу)
3) Сөздіктермен жұмыс. Буынға бөлгізіп айтқызу.(Буын туралы қысқаша мағлұмат беру)
— Аю, қою, құю, сүю, есею, азаю, ою, қию, түю, кию, үлкею, көбею.

Әр сөзде неше буын бар? Ю дыбысы нешінші буында?(Балалар қолдарын шапалақтай отырып, неше буын бар екенін ажыратады.)
Көрнекіліктер бойынша тақырыптық әңгіме өткізу.
— Балалар, бүгін біз сіздермен «Әдемі ою» тақырыбына таратпалы материалдар арқылы ақ қағазға салынған оюымызды әдемілеп бояймыз.
Мұғалім таратпалы материалдарды әрқайсысына таратады..
Қолдан жасалған сырмақ көрсетіледі.

Сергіту сәті
Ормандағы аюдың
Құлпынайы көп екен.
Теріп — теріп алайық,
Қалтамызға салайық.
Балалардың бояған суреттері бойынша жұмыс.
Әжем ою ойды. ( сөйлем екенін, неше сөзден тұратынын айтқызу)
Әжем сырмақ оюлады.
Балаларға: — аю ою қою тою сөздерін анық және дұрыс айтқызу.

Топпен жұмыс
1 — топ: Оюдың суретін салады
2 — топ: «Сұр қоян» өлеңін айтып, өлең сөзіне байланысты қимыл — қозғалыс жасайды
3 — топ: Ю дыбысы бар сөздер айтқызу.
«Кім жылдам» ойыны
Допты бір — біріне лақтыра отырып ю дыбысы бар сөйлем құрату

Дәптермен жұмыс. Әдемі, сауатты орындату
Қорытынды
1) Көз жұма отырып ю дыбысын жаздырту
2) Тіл ұстарту. Жаңылтпаш, өлең жаттап айтқызу (ю — ю — ю, Қорбаңдаған аю)
3) Ермексаздан ю дыбысын жасау
Бағалау
Үйге тапсырма: Ю дыбысы мен әрпі