ДДСҰ, мерзімінен бұрын карантиндік шектеулерді алып тастамауға шақырды

Дүниежүзілік денсаулық сақтау ұйымы мемлекеттерді мерзімінен бұрын карантиндік шектеулерді алып тастамауға шақырды. Коронавирустық инфекцияның жаңа жағдайлары азайған елдерде эпидемияның «жедел шыңы» пайда болуы мүмкін.
Бұл пікірді Дүниежүзілік денсаулық сақтау ұйымының денсаулық сақтау саласындағы төтенше жағдайлар жөніндегі бағдарламасының атқарушы директоры Майк Райан 25 мамырдағы брифингте айтты.
Осыған байланысты Райан мемлекеттердің үкіметтерін тез арада карантиндік шектеулерді алып тастамауға шақырды. Оның айтуынша, қазір әлем «коронавирустың алғашқы толқынының ортасында» тұр, бірақ бәрі «аурудың кез — келген уақытта өсуі мүмкін екенін білуі керек».
«Қазіргі уақытта кейбір мемлекеттерде жұқпалардың төмендеуі бұл төмендеу тұрақты болады дегенді білдірмейді», — деді Райан.
COVID — 19 коронавирустық инфекциясының өршуі Қытайдың Ухань қаласында 2019 жылдың аяғында басталды. 11 наурызда Дүниежүзілік денсаулық сақтау ұйымы коронавирус пандемиясының таралғаны туралы хабарлады.
Американдық Джонс Хопкинс университетінің мәліметі бойынша әлемде 5, 15 миллионнан астам адам коронавирус жұқтырған, олардың 346 мыңнан астамы қайтыс болған, 2, 25 миллионнан астамы жазылды.

Керімсал Жұбатқанов, Қазақ — Орыс халықаралық университетінің доценті, тарих ғылымдарының кандидаты