66 жастағы модель «Ең ықпалды әйелдер» тізіміне енді

ВВС әдеттегідей «Ең ықпалды әйелдер» рейтингі жариялады. Толық тізімді мына сілтемеге өту арқылы көре аласыздар.

Бір қызығы, 100 адамнан тұратын тізімде 66 жастағы Лариса Михальцова  есімді украиналық модель бар екен. Ол 59-орынға тұрақтаған.

Лариса кішкентай балаларға  аккордеонда ойнауды үйретеді. Модельдік бизнесте жасы егде адамдарды тарту трендке айналған уақытта ол осы жолда еңбек ете  бастайды. Михальцова 63 жасында алғаш рет Oldushka модельдік агенттігіне тіркеліп, көп ұзамай Франкфурттағы сән подиумын бағындырған.

Жалпы, ВВС тізімінде 60 елден 15 пен 94 жас аралығындағы жазушы, заңгер, саясаткер, ғалым және тағы да өзге салада қызмет ететін арулар есімдері жазылған. Өкінішке орай, қазақстандық бикештер рейтингке ілікпеген.