Балғынбек Имашев: Біздің формадағы полицейлерге келімсек дүнгендер әкіреңдеп жүр – Қазақстан жаңалықтары

0

Айтыскер ақын Балғынбек Имашев елді сабырлыққа, бейбіт өмірді қадірлей білуге шақырады. Өзінің ешбір партия мүшесі емес екенін ескерте кле ақын тыныштығымызы бұзатын жағдайларға жол бермеу керек деді. 

«Елдің бәрі мені «Нұр-Отанның» мүшесі деп ойлайды. Осы уақытқа дейін ешқандай партияның құрамында да, ешқандай мемлекеттік қызметте де жоқпын. Билікке жақын, халыққа алыс емеспін. Мақтайтын жерде мақтаймын, сынайтын жерде сынаймын. Мемлекетке, жүйеге, қоғамға, демократияға, митингке қатысты менің өз ұстаным бар. Ол біреуге ұнар, біреуге ұнамас.
Арандататын сұрақ қойып, жағымсыз пікір жазатындар фейк акаунттар.

Енді, мен өз пікірімді айтайын: Бұрынғы авторитарлы Одақтан бөлініп шыққан тәуелсіз елдердің бәрі авторитарлы режимді сақтап қалды, олар бірте-бірте демократияланып келе жатыр. Бірден Еуропаға мойын созған Балтық елдерінен соң, дәл солардай мойын созбаса да бетін бұрған Грузия мен Украинадан басқалары демократияланып кетті деп ешкім айта алмас. Орта Азияда Қырғыздар басқалардан бір бас жоғары, бір қадам озық. Шамамен Өзбекстанды 0 деп алсақ, Қазақстан +1, Қырғызстан +2, ал Тәжікстан-1, Түркменстан -2.

Жалпы алғанда, қара аспанды төндіре берген жақсы емес. Мемлекетке жаның ашыса елді революцияға шақырма, эволюцияға шақыр. Әйтпесе, сәтсіз революцияның арты азаматтық соғысқа, экономикалық дағдарысқа, тіпті, рухани деградацияға алып баруы мүмкін», – деп жазды Балғынбек Имашев.

Айтыскердің айтуынша, полиция тыныштық сақшылары. Оларды даттай беру орынды емес. Полицейге қарсы тұру түгілі, қарсы сөз айта алмайтын АҚШ елін үлгі етеді.

«Биліктің иттері деп полицияны жамандай беруге болмайды. Олар биліктің емес, тыныштықтың сақшылары. Демократиялық АҚШ-та полиция «жарты патша» емес пе? Адамға айыппұл салу-салмауы өз еркінде. Құқықтары ерекше. АҚШ азаматтары оларға қарсы әрекет жасамақ түгілі, қарсы сөйлеуге батпайды. Біздің формадағы полицейлерге келімсек дүнгендер әкіреңдеп жүр ғой.

Алпауыт АҚШ-тың өзі бейбіт митинг деп көшеде наразылық білдіргендердің бүлігін баса алмай жатса біздікі не сорым?
Тоқал ешкі мүйіз сұраймын деп құлағынан айырылыптының кебін киіп қалмайық. Тыныштық біздің байлығымыз. Тәуелсіздік жылдарындағы тұрақтылық маған не берді? 1991 жылы мен 14 жаста едім. Қазір ең кішісінің жасы 10-нан асқан бес ұлым бар. Бес жылдан соң бес ұлыммен алты сарбаз болып кез-келген ішкі-сыртқы жауға қарсы тұрып береміз, иншәАллаһ. Біліммен де, күшпен де, иманмен де!

Ал қазір, Тоқаевтың заманында, ай-күннің аманында, Әблязовтың төккен ақшасы мен кеткен кегін қайтарудан басқа митингке шығатын себеп менде жоқ», – деді ол.


«Бұрын-соңды бұлай жыламаппын»: Балғынбек Имашев Бейсен Құранбектің қазасы жайлы


 



stan.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз