53 млн теңге: Алматының топ-5 қымбат көліктері

Мінілген көліктер нарығына талдау жасаған NUR.KZ редакциясы Кolesa.kz сайтына сілтеме жасай отырып, назарларыңызға Алматы қаласының ең қымбат көліктер бестігін ұсынады.

Бүгінгі таңда Алматы қаласында сатылып жатқан ең қымбат ұсталған көліктің бағасы 53 миллион теңге. Бұл 2013 жылы шыққан Bentley Continental Flying автокөлігі.

Көлік иесінің сөзінше, темір тұлпарда мін жоқ.

Екінші орынға 52 миллион теңге тұратын 2016 жылғы Mercedes-Benz G 63 AMG көлігі орналасты. Edition 463 түпнұсқа. Көлік қуаты 571 л.

Көлік иесінің сөзінше, Bluе Star-да қызмет көрсетілген.

Үшінші орынға құны 50 миллион тұратын Rolls-RoycePhantom көлігі жайғасқан. 2003 жылы шыққан темір тұлпар 30 мың шақырым ғана жүрген.

Іші былғары мен ағашпен қапталған.

Төртінші орында құны 50 миллион теңге тұратын 2014 жылғы Mercedes-Benz G 63 AMG көлігі тұр. Көлік бар-жоғы 18 мың шақырым ғана жүрген.

Бесінші орынға 49 миллион теңге тұратын Mercedes-Benz E 63 AMG көлігі. Темір тұлпар 2017 жылы шыққан, AMG e63s 4matic + толық жиынтықты. 2018 жылы Blue Star-дан сатып алынған. Осы уақыт аралығында жеті мың шақырым ғана жол жүрген.