9 қыркүйек, 2024
Астанадағы Sezim Qala ТК ауласында жасөспірімдер баланы бесінші қабаттың қылтимасынан тастап жіберетінін айтып қорқытқан. Баланың ата-анасы кінәлілерді жазалауды талап етуде.
Балалардың өздері түсірген бейне әлеуметтік желілерде пайда болды.
"Ол өзін тастап жіберуді сұрады. Айтыңызшы, сіз келісесіз бе? Біз сізді тастап жіберейік пе? Иә, иә, иә, келісемін, келісемін", – дейді видеодағы жігіттердің бірі.
Әрі қарай, баланы қолдары мен аяқтарынан ұстап, оны кіреберіске апарады. Кадрларда баланың қарсылық көрсетіп жатқанын көруге болады.
Елорда полиция департаментінің баспасөз қызметі оқиғаға қатысушылардың барлығын анықтағанын хабарлады.
"Факт тіркелді, тексеру жүргізілуде. Оқиғаның барлық қатысушылары анықталды, заңды өкілдердің қатысуымен мән-жайлар анықталды. Нәтижелері бойынша заңнамаға сәйкес шаралар қабылданады", - деп атап өтті ведомствода.
