Бүгін, 12:01
TikTok желісінде Mayabasova13 атты аккаунтта қазақстандық әнші Мейрамбек Беспаевқа қатысты жазба жарияланып, әлеуметтік желі қолданушылары арасында қызу талқыланды, деп хабарлайды kznews.kz.
Жазба авторы «өз баласымен қалай хабарласпауға болады?» деген сипаттағы мәтінмен бірнеше сурет бөліскен. Жарияланған фотолардың арасында кішкентай баланың бейнесі де бар.
Аталған жазбада айтылған мәліметтердің ресми түрде расталмағаны белгілі. Дегенмен, жарияланым әлеуметтік желіде түрлі пікірлердің туындауына себеп болды. Қолданушылардың бірі баланың әншіге ұқсайтынын жазса, енді бірі мұндай ақпаратқа сақтықпен қарау керектігін атап өткен. Сондай-ақ көпшілік арасында баланың тағдырына алаңдаушылық білдірген пікірлер де кездеседі.
