20 қараша, 2025
Танымал әнші әрі актриса Жұлдыз Өмірғали өнердің жаңа қырын игеруге ниетті екенін айтты, деп хабарлайды kznews.kz.
Үшінші сәбиіне жүкті болған өнер иесі босанған соң кино саласында актрисалықтан бөлек бағытта жұмыс істегісі келетінін жеткізді. Ол ендігі мақсаты – өз фильміне сценарий жазып, көрерменге жаңа қырынан танылу.
"Адам әрқашан өзіне мақсат қойып, сол арманына жеткісі келеді ғой. Аман-есен баламды дүниеге алып келгеннен кейін кино түсіру жоспарымда бар. Қазір сценарий жазу процесіндемін. Жарты жылдан асты қалай сценарий жазу керек екенін зерттеп жүрмін. Кітабын да оқыдым, видеосын да көрдім", – деді Жұлдыз Өмірғали.
