Танымал әнші Сәкен Майғазиевтің келіні Әдия әлеуметтік желідегі парақшасында жүрекжарды жазбасын жариялап, жұрттың жылы ықыласына бөленді, деп хабарлайды kznews.kz.
Әдия өз жазбасында анасының бұрын айтқан сөздерін еске алып, сол шақтың бүгін шын мәнінде келіп жеткенін айтты.
"Анамыз "өсіп, екі жаққа кеткенде бір-біріңді сағынасыңдар" дегенде, "ол кезге әлі ерте ғой" деп ойлайтынбыз", – деп жазды ол.
Сонымен қатар Әдия тұрмысқа шығарып жатқан сіңлісіне ақ тілегін арнап, оның бақытты болуын тіледі. Жазба Ақтауда түсірілген әсерлі фотолармен толықтырылған.
Желі қолданушылары бұл жазбаны ерекше ықыласпен қабылдап, жылы пікірлер қалдырып, қысқа уақытта мыңдаған лүпіл жинаған.
