Бүгін, 10:42
Әнші Меруерт Түсіпбаева пластикалық ота клиникасында көз жұмған Сәуле Базарханды еске алып, әлеуметтік желідегі парақшасында әсерлі жазба жариялады, деп хабарлайды kznews.kz.
Өнер иесі марқұм құрбысының өмірден өткеніне 40 күн болғанын айтып, оған деген сағынышын жеткізді.
"Егер қайтыс болған жақыныңды жылап жоқтау, қимай іздеу күнә болса, Жаратқан көз жасын пендесінің бойына жаратар ма еді?! Өмір барда өлім хақ дегенімізбен, мұңаюдың да өз орны бар-ау. Жан-жағына нұрын шашқан Сәуленің ортамыздан кеткеніне 40 күн... Жаның жәннатта болсын, жан құрбым", – деп жазды Меруерт Түсіпбаева.
Әнші сондай-ақ марқұммен бірге өткізген күндерін еске алып, оның жарқын болмысын ерекше атап өтті.
