Бүгін, 17:39
Оңтүстік Суданда ұшақ апатынан 14 адам қаза тапты. Бұл туралы жергілікті авиация басқармасы хабарлады, деп хабарлайды kznews.kz People басылымына сілтеме жасап.
Cessna 208 Caravan жолаушылар ұшағы 27 сәуір күні астана Джубадан шамамен 19 шақырым жерде құлаған. Ұшақ Йей қаласынан Джуба халықаралық әуежайына бағыт алған, бірақ ұшқаннан кейін аз уақыттан соң байланыс үзілген.
Бортта 13 жолаушы мен 1 ұшқыш болған, олардың екеуі Кения азаматтары, қалғаны Оңтүстік Судан азаматтары екені анықталды. Барлығы қаза тапқан.
Алдын ала мәлімет бойынша, апатқа қолайсыз ауа райы мен нашар көріну себеп болуы мүмкін.
Құтқару және тергеу жұмыстарына арнайы топ жіберілген. Қаза тапқандардың туыстарына көңіл айтылды, оқиғаның себептері нақты тергеуден кейін белгілі болады.
