Бүгін, 15:35
«Жаңа адамдар» қозғалысының «124» азаматтық науқаны балаларды онлайн-грумингтен қорғау және кәмелетке толмағандардың қауіпсіздігін қамтамасыз ету бағытындағы профилактикалық шараларды күшейтуді ұсынды, деп хабарлайды kznews.kz.
Қозғалыс өкілдерінің мәліметінше, оларға Семей қаласының тұрғыны әлеуметтік желілер арқылы кәмелетке толмағандармен байланыс орнатып, 12-15 жас аралығындағы қыздарға интимдік сипаттағы бейнежазбалар үшін ақша ұсынған белгісіз қолданушы туралы хабарлаған. Сондай-ақ оның манипуляция арқылы балаларды порнографиялық сипаттағы контент жасауға көндіріп, кейін оны Telegram-арнасына жариялағаны айтылған.
Аталған ақпарат «Жаңа адамдар» тарапынан Жетісу ауданының Киберполициясына жолданды. Нәтижесінде құқық қорғау органдары 22 жастағы күдіктіні ұстады. Қозғалыс мәліметінше, Қазақстан Республикасы Қылмыстық кодексінің 312-бабы бойынша қылмыстық іс қозғалған.
Осы жағдайға байланысты «Жаңа адамдар» Қазақстан Республикасының Ішкі істер министрлігіне балалардың қауіпсіздігі саласындағы профилактикалық жұмыстарды күшейтіп, кәмелетке толмағандарға әлеуетті қауіп төндіретін тұлғалардың арнайы тізілімін құру мүмкіндігін қарастыруды ұсынды.
«Біз Ішкі істер министрлігіне балаларға қауіп төндіруі мүмкін адамдардың арнайы тізілімін құруды бастауды ұсынамыз. Қуатты қоғам бейжай қарамайтын адамдардан басталады. Балалардың қауіпсіздігі – бәрімізге қатысты», – деді «Жаңа адамдар» қозғалысының негізін қалаушы Асель Баденова.
Заңгер Нұрсұлтан Орынбектің айтуынша, әлеуметтік желілер арқылы балаларға қатысты жыныстық сипаттағы алымсақтықтың алдын алу үшін нақты әрі тиімді шаралар қажет.
«Заңгер ретінде осындай тізілімді енгізуді дұрыс деп санаймын. Бұл – Конституциямызға қайшы емес. Ал қоғамдық өкіл ретінде осы бастаманы толық қолдаймын», – деді ол.
Қозғалыс өкілдері балалардың қауіпсіздігі тек құқық қорғау органдарының қызметіне емес, қоғамның да мұндай жағдайларды дер кезінде байқап, тиісті органдарға хабарлауына байланысты екенін атап өтті.
«Заң және Тәртіп» қағидаты аясында балаларға қатысты кез келген зор
