Бүгін, 12:18
Жамбыл облысы Қордай ауданындағы Гвардейский гарнизонының аумағында қоқыс жәшігінен жаңа туған нәресте табылды, деп хабарлайды kznews.kz.
Оқиғаға қатысты ақпарат Telegram-арналардың бірінде тараған. Кейін мәліметті аудандық полиция бөлімінің өкілдері растаған.
Қазіргі таңда оқиға орнына жедел-тергеу тобы жіберіліп, жағдайдың барлық мән-жайын анықтау бойынша тиісті жұмыстар жүргізіліп жатыр.
Алдын ала мәлімет бойынша, қоқыс контейнерінен табылған сәби – қыз бала. Нәрестені медицина қызметкерлері қарап, оның қазіргі жағдайы қанағаттанарлық екені және өміріне қауіп төніп тұрмағаны айтылды.
Полиция оқиғаға байланысты тергеу шараларын жүргізіп, сәбидің қоқыс жәшігіне қалай түскенін және оған қатысты жағдайдың мән-жайын анықтап жатыр.
Құзырлы органдардың ресми қорытындысы әзірге жарияланған жоқ.
