Бүгін, 20:08
Сот отырысы барысында Сұлтан Сәрсемалиев өз әрекетіне марқұмдарды кінәлап, Ақбаянның отбасы олардың отбасылық өміріне араласқанын мәлімдеді, деп хабарлайды kznews.kz.
Оның айтуынша, жәбірленуші тараптың әрекеті оны ауыр күйзеліске түсіріп, психологиялық тұрғыдан әлсіреткен. Айыпталушы дәл осы жағдайлар қылмыс жасауына себеп болды деп түсіндірді.
Алайда жәбірленуші тарап Сәрсемалиевтің бұл сөздерімен келіспейтінін айтты. Олардың сөзінше, марқұм Мұқанғалиұлы Мақсот пен Бақытқызы Нәсіп мінезі жұмсақ, сабырлы, ешкімге зияны жоқ адамдар болған.
Туыстары керісінше, марқұмдардың қызы мен күйеу баласына қолдау көрсетіп келгенін жеткізді. Сондай-ақ марқұм әкенің қызымен араласқысы келіп, оны көргісі келетінін жиі айтып жүргені айтылды.
