9 желтоқсан күні Алматыда ақын Олжас Отардың "Ауырмайды жүрек" атты шығармашылық кеші өтті. Әдебиет пен музыканы тоғыстырған бұл кешке қазақ эстрадасының бірқатар танымал өнерпаздары қатысты, деп хабарлайды kznews.kz.
Сахнада Саят Медеуов, Досымжан Таңатаров, Қайрат Нұртас, Қанат пен Света, Тоқтар мен Бейбіт, Ернар Айдар, Әлішер Кәрімов және Абай Бегей ән шырқады. Кеш барысында ерекше назар аудартқан жайт – үстінен қылмыстық іс қозғалған Мұқасан Шахзадаевтың да сахнаға шығып, ән айтуы болды.
Ақын Олжас Отар Instagram парақшасында жариялаған видеода Мұқасан Шахзадаевтың көрермен алдында ән салып тұрған сәті анық көрінеді. Сонымен қатар әнші Досымжан Таңатаров та стористерінде Мұқасанмен бірге түскен суретті бөліскен.
