4 қыркүйек, 2019
Қысқа сілтеме алу
Биатлоншы 1998 жылы олимпиада чемпионы атанған
НҰР-СҰЛТАН, 4 қыркүйек – Sputnik. Биатлоннан үш дүркін олимпиада чемпионы норвегиялық Хальвард Ханевольд қайтыс болды, деп хабарлайды TV2 телеарнасы.
49 жастағы спортшының денесі өзінің үйінен табылған. Оқиғаның мән-жайы әлі анықталған жоқ. Ханевольдтің артында әйелі мен екі баласы қалды.
Норвегияның биатлоншылар одағының президенті Арне Хортен Ханевольдтің өлімі спорт қауымдастығы үшін үлкен қайғы екенін айтты.
"Бұл – норвегиялық биатлон үшін өте қайғылы күн", - деді ол.
Хальвард Ханевольд 1998 жылы 20 шақырымға жеке жарыста, 2002 және 2010 жылдары 4 және 7,5 километр эстафетада олимпиада чемпионы атанды. Қоржынында әлем чемпионаттарының бес алтын медалі бар.
Тағы оқыңыз: Қазақстан чемпионы адам өлтірді деген күдікпен ұсталды
Биатлоншы спорттағы карьерасын 2010 жылы аяқтады. Спорттан кеткен соң норвегиялық телеарналарда сарапшы болды.
sputniknews.kz
