Бүгін, 12:34
Үндістанда 35 жастағы әйелдің мәйіті хостелдегі кереуеттің ішінен табылғаннан кейін үш ер адам қамауға алынды, деп хабарлайды kznews.kz NDTV арнасына сілтеме жасап.
Оқиға орнына келген полицейлер кереуеттің ішінен табылған марқұмның мойнында тұншықтыру іздері мен маңдайында жарақат бар екенін анықтаған.
Белгілі болғандай, әйел жақын маңда тұрған және ұсталғандардың бірі Дипак есімді ер адаммен некеден тыс қарым-қатынаста болған. Екеуінің де басқа адамдармен ресми некелері болған.
7 сәуір күні күндіз әйел хостелге келіп, шамамен бір сағат бойы Дипакпен бөлмеде болған. Алайда ер адам кеткеннен кейін, мекеме иесі күдіктеніп, полиция шақырған.
Дипактан бөлек, сол сәтте хостелде болған тағы екі ер адам ұсталды. Үшеуі де топтық зорлау және кісі өлтіру күдігімен айыпталуда.
Қылмыстық іс қозғалды. Тергеу жалғасып жатыр.
Бұған дейін, 25 қарашада, жоғалып кеткен ер адамның мәйіті алып динозавр мүсінінің ішінен табылғаны хабарланған еді.
