Бүгін, 15:08
Мәжіліс депутаты Дәулет Мұқаев әлеуметтік желідегі парақшасында көпшілікті қуантатын ақпаратты бөлісті, деп хабарлайды kznews.kz.
Халық қалаулысының айтуынша, "Ұлттық қор – балаларға" бағдарламасы аясында 2025 жылдың инвестициялық табысы қорытындыланып, еліміздегі әрбір баланың шотына 130,71 АҚШ доллары көлемінде қаражат аударылған.
"Сүйінші! "Ұлттық қор – балаларға" бағдарламасы аясында әр балаға 130,71 доллардан аударылды. 2025 жылғы инвестициялық табыстың қорытындысына сай, "Ұлттық қор – балаларға" бағдарламасы аясында еліміздегі 6,9 миллионнан астам балаға $130,71 мөлшерінде қаражат түсті. Бағдарлама шартына сәйкес қаражат 18 жасқа дейінгі балаларға беріледі. Ақшаны kids.enpf.kz сайтынан көре аласыздар. Басқа қосымшаларда әзірге көрсетпеуі мүмкін. Құтты болсын", – деп жазды Дәулет Мұқаев.
