Бүгін, 16:22
Елімізде мемлекеттік әлеуметтік көмекті нақты мұқтаж азаматтарға бағыттаудың жолдары нақтыланбақ. Яғни, Үкімет Президент Қасым-Жомарт Тоқаевтың тапсырмаларын іске асыру аясында әлеуметтік қолдау жүйесін қайта қарайтын болды.
Қазір елде әлеуметтік төлемдер мен көмектің 36 түрі бар. Оның он төрті бойынша атаулы модель енгізу ұсынылып отыр. Яғни, мемлекеттік қолдау алушының нақты әлеуметтік жағдайына қарай берілуі тиіс.
Сонымен қатар жергілікті деңгейде көрсетілетін 13 түрлі көмекті төрт бағытқа біріктіру көзделген. Бұл әлеуметтік қолдау жүйесін оңайлатуға бағытталған.
Сондай-ақ, Үкімет кішкентай баласы бар ата-аналарға арналған жаңа қолдау шараларын да қарастырып жатыр.
Жалпы, өзгерістің негізгі мақсаты әлеуметтік көмекті жаппай бөлуден гөрі, шын мәнінде мұқтаж азаматтарға бағыттау болмақ. Алайда, атаулы модель енгізілген кезде көмек алушыларды анықтау тетігі мен критерийлері шешуші мәнге ие болады деген үміт бар.
