25 наурыз, 2021
Елордада өтіп жатқан жер реформасы жөніндегі комиссия отырысында түсірілген бейнеде шенеуніктердің бірі маужырап, көзі ілініп отырды.
Ақпарат Qamshy.kz сайтында жарияланды.
Кадрдан Қазақстан фермерлер қауымдастығының төрағасы Жигули Дайрабаев сөйлегенде оның артында отырған шенеунік маужырап, ұйқымен алысып отырған көрінеді.
Артынша бейнеде ұйықтап отырған шенеунікті әріптестері түртіп оятпақшы болады. Бейне кейіпкері көзін сәл ашып, керіледі.
Әзірге шенеуніктің аты-жөні белгісіз. Жиында қалғып-мүлгіп отырды ма, әлде көзді жұмып тыңдау ыңғайлы ма, ол жағы бізге беймәлім.
Комиссия төрағасы Ералы Тоғжанов мәселені өз қолына алады деп сенеміз.
Шенеуніктің көзі жұмылып отырғанын бейненің 27 минутынан бастап көруге болады.
Алайда, бұл ұйқыны соғып отырған жалғыз шенеунік емес.
Қазір редакция ұйқыдағы шенділер кімдер екенін анықтап жатыр.
