Зерттеу нәтижесінде әр екінші баладан генетикалық ауытқу анықталған. Балалардың 86 пайызы кем дегенде бір “бұзылған” геннің тасымалдаушысы болып шыққан, бұл халықаралық нормадан екі есе жоғары көрсеткіш. Ғалымдар мұны елдің кей өңірлерінде туыстар арасындағы некелердің жиі кездесуімен байланыстырады.
Мамандардың айтуынша, мұндай мутациялар сирек кездесетін тұқым қуалайтын аурулармен қатар, қант диабеті, жүрек-қан тамырлары және онкологиялық сырқаттардың даму қаупін арттырады.
«Егер балалардың басым бөлігінде жасырын мутациялар болса, профилактика мен генетикалық кеңес беру жүйесінсіз бұл үдерісті тоқтату мүмкін емес. Сондықтан некеге дейінгі скрининг бағдарламаларын енгізу қажет», – деді жоба жетекшісі Шахло Турдикулова.
Зерттеу нәтижелері халықаралық генетикалық деректер базасына енгізілді.