Бүгін, 16:46
Желіде әзілкеш Тұрсынбек Қабатов пен Мөлдір Мұқанның бірге жүрген видеосы тарап, көпшіліктің назарын аударды, деп хабарлайды kznews.kz.
Мәліметке қарағанда, Мөлдір Мұқан Қырғызстанға іссапармен барған. Арада көп уақыт өтпей әлеуметтік желілерде оның Тұрсынбек Қабатовпен бірге жүрген сәті түсірілген видео жарияланды.
Бұл кадрлар желі қолданушылары арасында түрлі пікір тудырды. Бірі екеуінің қайта жақындасқанын жақсы жаңалыққа балап, қуанышын білдірсе, енді бірі бір ғана видеоға қарап нақты қорытынды жасауға болмайтынын жазды.
Әзірге Мөлдір Мұқан да, Тұрсынбек Қабатов та тараған видеоға қатысты ресми түсініктеме берген жоқ. Дегенмен желі қолданушылары әзілкештің әлеуметтік желідегі соңғы жазбалары мен суреттеріне қарап, олардың қарым-қатынасы туралы түрлі болжам айтуда.
