11 қаңтар, 2026
Астананың маңында түлкі балықшылардың балығын ұрлауға тырысқан, деп хабарлайды Kznews.kz.
Әлеуметтік желідегі @timur.kazmin парақшасында балықшы түсірген видео пайда болды. Кадрларда түлкінің балықшылардың назарын басқа жаққа аударған сәтін пайдаланып, олжаны «ұрлап» кеткені көрінеді. Бұл көрініс желі қолданушыларына «Түлкі мен Қасқыр» ертегісін еске салды.
Бейне авторы жағдайға күліп, сәл әзілдеп, пікір білдірді. Оның айтуынша, жануар балықшылардың бір сәтке бей-жай қарағанын пайдаланды.
Видео қай жерде түсірілгені нақты көрсетілмегенімен, жарияланымдарда Астананың айналасындағы аймақтарда болғаны айтылуда.
