12 қаңтар, 2026
Танымал продюсер Гүлзира Айдарбекова келіні Жұлдыз Абдукәрімованы және оның ата-анасын арнайы қонаққа шақырып, шаңырағында жылы ықыласпен қарсы алды, деп хабарлайды kznews.kz.
Отбасы мүшелері бір дастарқан басына жиналып, емен-жарқын әңгімелесіп, көптен бері бірге болмаған сәттің қуанышын бөлісті. Кеш барысында әулет мүшелері естелік суреттерге түсіп, бір-біріне жылы лебіздерін білдірді.
Гүлзира Айдарбекова бұл кездесудің ерекше мәнге ие болғанын әлеуметтік желіде де атап өтті.
«Бүгін бала-шағамыз Мальдив аралдарынан демалыстан оралып, басымыз қосылып, мерекеге айналды. Төрт көзіміз түгел, аман-есен жүздесудің өзі — үлкен бақыт. Көпшілік көріп жүрген күлкі — шындықтың бір ғана қыры. Қалғанын өмірдің өзі көрсетеді. Өмір кейде тыныштық арқылы сынайды. Түсінген жанға осының өзі жеткілікті…», — деп жазды продюсер.
