Сыртқы істер министрі Ермек Көшербаев президент Қасым-Жомарт Тоқаев пен АҚШ басшысы Дональд Трамптың кездесуі туралы айтты, деп хабарлайды Ulysmedia.kz.
Ермек Көшербаевтың сөзінше, екі ел басшылары кездескен.
- Екеуі кездесті. Трамптың біздің президентке айтқан сөзін естідіңіздер. Мәселе сөздерде емес. Мәселе екі мемлекет басшыларының арасындағы қарым-қатынас өте жоғары бағаланып отыруында, – дейді Көшербаев.
Журналистер Трамп әлеуметтік желідегі парақшаларында тек телефон арқылы сөйлескендерін жазғанын атап өтті.
- Суреттерін көрмедіңіз ба? Осы сапарда болған жағдай. Трамп өзінің әлеуметтік желідегі парақшасында жариялады, – дейді Ермек Көшербаев.
Еске салайық, 22 қыркүйекте БҰҰ Бас Ассамблеясы өз жұмысы басталған еді. Әлемнің 150-ден астам мемлекет және үкімет басшылары жаһандық күн тәртібіндегі ең маңызды мәселелерді талқылау үшін бір алаңға жиналды.
Президент Қасым-Жомарт Тоқаев БҰҰ мінберінде маңызды мәселелерді көтеріп, бірнеше кездесу өткізді. Соның ішінде, БҰҰ бас хатшысымен, Зеленскиймен кездесті.