Белгілі әнші, Қазақстанның халық әртісі Мақпал Жүнісова 12 қараша – марқұм жұбайы, қоғам қайраткері Заманбек Нұрқаділовтің өмірден өткен күні екенін айтып, әлеуметтік желідегі парақшасында естелік жазбалар жариялады, деп хабарлайды ozgeris.info.
"12-қараша — Зәкеңнің өмірден озған күні. Топырағыңыз торқа болсын", – деп жазды әнші.
Мақпал Жүнісова күйеуінің көзі тірісінде жиі орындайтын сүйікті әні «Есіңе мені алғайсың» туындысын да орындап, бейнежазбасын жариялады.
"Зәкең осы әнді домбыраммен жиі айтқызатын еді", – деп еске алды ол.
Өнер иесі марқұм жұбайының шығармашылығы мен рухани мұрасы туралы да айтып, ел жадында мәңгі қалатынын атап өтті.
