Бүгін, 11:16
Ұлттық статистика бюросының мәліметінше, биылғы қаңтар - қыркүйек айлары аралығында елімізде жалпы қуаты сағатына 56 Гка болатын 7 қазандық пайдалануға берілген. Ал олардың құрылысына 8,6 млрд теңге жұмсалған.
Аталған жылу қазандықтары инфрақұрылымды жаңғырту бағдарламасы аясында салынған немесе күрделі жөндеуден өткеннен кейін пайдалануға беріліп отыр.
Өңірлер бөлінісіне қарай жіктесек, Ақмола және Алматы облыстарында екі-екіден, Қарағанды мен Түркістан облыстарында бір-бір қазандық іске қосылған.
Тағы бір нысан Абай облысында пайдалануға берілген. Оның қуаты сағатына 23,5 Гкал екен. Бұл нысанның күші барлық жаңа қазандықтардың жиынтық қуатының шамамен 42 пайызын құрайды.
