«Тобыл» әзірбайжандық қақпашы үшін қанша төлегені белгілі болды

Әзірбайжандық «Сабаил» футбол клубының қақпашысы Эмиль Балаев қазақстандық «Тобылға» ауысты, деп хабарлайды Prosports.kz.

Әзірбайжандық БАҚ-тың ақпаратына сүйенсек, екі тарап келісімшартқа отырған. Еңбек келісімінің қанша уақытқа жасалғаны белгісіз.

Қостанайлық клуб «теңізшілерге» осы трансфер үшін 100 мың манат (шамамен, 59 мың доллар) береді.

Сонымен қатар, Балаев «Тобылда» бұрынғы клубына қарағанда көбірек жалақы алады.