23 қыркүйек, 2024
Теміртаудың бұрынғы әкімі Ораз Таурбеков Қарағанды облысы әкімінің орынбасары болып тағайындалды, - деп хабарлайды Kznews.kz тілшісі.
Жаңа тағайындау туралы Қарағанды облысы әкімдігінің баспасөз қызметі хабарлады.
"Құсайын Ерлан Бейсембайұлы басқа жұмысқа тағайындалуына байланысты атқаратын қызметінен босатылды. ҚР Президенті Әкімшілігінің келісімі бойынша, Таурбеков Ораз Қайсайұлы облыс әкімінің орынбасары болып тағайындалды", - деді облыс әкімі Ермағанбет Бөлекпаев.
Ораз Таурбеков әкімнің орынбасары ретінде денсаулық сақтау, жұмыспен қамту және еңбек қауіпсіздігі мәселелерін қадағалайтыны хабарланды.
Еске салайық, Ораз Таурбеков 2022 жылдың қыркүйегінен бастап осы тағайындауға дейін Теміртау әкімі қызметін атқарған.
