Бүгін, 10:14
Бес жыл бұрын ҰБТ-ға қатысты даумен ел назарына іліккен Әдемі Тұрсынбекқызы бүгінде Дубайдағы университетті тәмамдап, диплом алды. Ол сәулетші мамандығы бойынша білім алған, деп хабарлайды kznews.kz.
Бұған дейін Әдемінің есімі ҰБТ кезінде өз орнына басқа адамның тест тапсырғаны туралы оқиғаға байланысты көпшілікке белгілі болған еді. Бұл жағдай қоғамда қызу талқыланып, әлеуметтік желі қолданушылары түрлі пікір білдірген.
Кейін аталған іс бойынша ЕҰУ-дің 2-курс студенті жауапқа тартылғаны хабарланған. Алайда қылмыстық істің одан кейінгі нәтижесі көпшілікке жария етілмеді.
Бүгін Әдемі Тұрсынбекқызы оқуын сәтті аяқтағанын айтып, қуанышты жаңалығымен бөлісті. Ал оның әкесі, әзілкеш Тұрсынбек Қабатов қызының шетелде білім алуына кезінде Иманғали Тасмағамбетовтің кеңесі әсер еткенін жеткізді.
