Астанадағы Орталық коммуникациялар қызметінде өткен брифингте журналист сөзін "Аллаға және президентке рахмет" деп бастап, әкімнен қала басшысы қызметінен кетіп-кетпейтінін сұрады, деп хабарлайды kznews.kz.
"Қаламыз жақсы дамып жатыр, халық уайымдайды, қаланы дамытуға үлкен үлес қосқан әкіміміз кетіп қалмай ма?" , - деді журналист.
Ғабит Сыздықбеков кадрлық шешімдерді президент қабылдайтынын айтты.
"Менің алдымдағы әкімдер де жан-тәнімен еңбек етті. Көп нәрсе жасалды. Бағаны халық береді. Ал әрі қарай жұмыс істеймін бе, жоқ па оны президент шешеді. Ол тағайындады, шешімді де өзі қабылдайды. Қолымнан келгенше еңбектене беремін", - деді өңір басшысы.
Көпшілікті таңғалдырған сәт журналистің соңғы сөзі болды.
"Сізді әкім етіп тағайындағаны үшін Аллаға және президентке рахмет", - деді ол.
