15 желтоқсан, 2025
Белгілі заңгер Мейірман Шекеев желідегі парақшасында жаңа жазба жариялады, деп хабарлайды kznews.kz.
"Адам жаны қиналғанда 103 жедел жәрдем шақырады. Ал 103 өзі қиналғанда кімді шақырады? Осы екі іспен – Астанадағы фельдшер қыздың ісі мен Алматыдағы фельдшер қыздың ісі арқылы — мен осы саладағы біраз былық пен кемшіліктің бетін ашпақпын. Сондықтан сіздерден өмірлеріңізді ең бірінші жүгіріп келіп құтқаратын 103 фельдшерлерге қолдау білдірулеріңізді сұраймын. Және барлық медицина қызметкерлерін мардымсыз жалақыға өздерінің өмірін қатерге тігіп жүргені үшін мені қолдауларыңызды сұраймын. Бұлай ары қарай жалғаса беруге болмайды. Мына фельдшер қызымыздың артында 2 кішкентай қызы қалды. Орны толмас қайғы, қасіретке күйзелген жолдасы қалды. Ал ол бар болғаны 200 мың теңгенің төңірегіндегі жалақы үшін ғана өмірін қиды", – деп жазды Мейірман Шекеев.
