Бүгін, 20:22
Шығыс Қазақстан облысының Риддер қаласында кәмелетке толмаған қызына жыныстық зорлық-зомбылық жасады деген күдікпен ер адамға қатысты қылмыстық іс тергеліп жатыр, деп хабарлайды kznews.kz.
Бейресми ақпарат бойынша, заңға қайшы әрекеттер бірнеше жыл бойы жалғасқан болуы мүмкін. Болжам бойынша, оқиға қыз шамамен алты жаста болған кезде басталған. Қазір ол 13-14 жаста.
Күдікті шілде айының басында ұсталған. Қолда бар ақпаратқа сәйкес, полиция қызметкерлері ер адамды жұмыс орнында ұстаған.
Шығыс Қазақстан облысының Полиция департаменті аталған дерек бойынша сотқа дейінгі тергеу жүргізіліп жатқанын растады.
– Кәмелетке толмаған адамға қатысты зорлау дерегі бойынша ҚР Қылмыстық кодексінің 120-бабының 4-бөлігімен сотқа дейінгі тергеу жүргізіліп жатыр. Қажетті сот сараптамалары тағайындалып, тергеу амалдары жүргізілуде, – деп хабарлады ведомстводан.
Құқық қорғау органдары ҚР Қылмыстық-процестік кодексінің 201-бабына сәйкес сотқа дейінгі тергеу деректерінің жария етілмеуіне байланысты өзге ақпаратты ашпады.
