6 қаңтар, 2026
Қостанай облысының аумағындағы «Соколовская» шахтасында жарылыс болып, бір адам зардап шекті.
Бұл туралы «ССГПО» АҚ-ның корпоративтік коммуникациялар қызметі хабарлады.
Жарылыстан 55 жастағы кәсіпорын жұмысшысы жарақат алып, ауруханаға жеткізілген. Жарылыс кезінде ол ірі кен кесектерін тасымалдайтын құрылғыға жөндеу жұмыстарын жасап жатқан екен.
- Оқиға тасымал жолындағы кедергілерді жою үшін қолданылатын жарылғыштардың тұтануынан болған. Жарақат алған жұмысшы тәжірибелі машинистің бірі, ол 25 жылдан бері кәсіпорында еңбек етіп келеді, - делінген ресми хабарламада.
Оқиғадан кейін зардап шеккен жұмысшы Рудный қалалық ауруханасына жеткізілді. Қазіргі уақытта оның жағдайы туралы ресми ақпарат жарияланған жоқ.
Аталған дерек бойынша тексеру тағайындалып, оқиғаның себептері мен мән-жайлары анықталатын болады.
