Бүгін, 15:39
Белгілі заңгер Мейірман Шекеев соғыс аймағында болған жеті адамның Ресейдің Воронеж қаласына жеткізілгенін мәлімдеді, деп хабарлайды kznews.kz.
Шекеевтің айтуынша, жеті адам соғыс жүріп жатқан жерден шығарылған. Оның сөзінше, олар жақын арада елге оралуы мүмкін.
«Алла қаласа, балалардың жетеуі соғыс шебінен алдырылып, Воронежге жеткізілді. Елге келетін күн де алыс емес сияқты. Лайым, жақсы жаңалық көп болғай», – деп жазды ол әлеуметтік желідегі парақшасында.
Айта кетейік, бұған дейін Ресейге жұмыс істеу үшін барған бір топ қазақстандық азамат әлеуметтік желі арқылы көмек сұраған еді.
