29 қаңтар, 2019
Шымкентте дәрігерлер жалғастырғыш тетікті жұтып қойған нәрестені ажалдан аман алып қалды. Алты айлық сәбидің ата-анасы тетікті жұтып қойғанын тек бір аптадан соң білген деп хабарлайды NUR.KZ.
Ұялы телефонды жалғастырғыш тетік
Қалалық денсаулық сақтау басқармасы баспасөз қызметінің хабарлауынша, жалғастырғыш тетікті жұтқан нәрестенің денсаулығы сыр беріп, мазасыздана бастаған. Содан ата-анасы жедел жәрдем шақыртып, ауруханаға жеткізіпті.
№1 клиникалық балалар ауруханасындағы дәрігерлер баланы шұғыл түрде тексеріп, рентгенге түсірген уақытта асқазанында бөгде зат барын анықтаған.
"Біз алты айлық нәрестенің асқазанындағы бөгде затты гастраскоптың көмегімен алып шықтық. Баланың асқазанынан шыққан зат ұялы телефонды жалғастыратын тетік екендігі анықталды. Нәрестеге хирургия бөлімінде сәтті ота жасадық",- деді аурухананың дәрігері Әкім Түлкібаев.
Ақхалаттылардың айтуынша, алты айлық сәбидің қазіргі жағдайы жақсарып қалған. Сондай-ақ, өміріне қауіп төніп тұрмағанын жеткізді.
Ота жасау кезі
Сіздің реакцияңыз
Тағы да оқыңыздар
Дереккөз: kaz.nur.kz
