Шығыс Қазақстанда 400-ден астам жолаушы қар құрсауында қалды
20.01.2019
18:43
0
3
Жүргізушілер мен жолаушылар "Алматы-Өскемен" тас жолында қар құрсауында қалды
АСТАНА, 20 қаңтар — Sputnik. Шығыс Қазақстан облысы Үржар ауданында "Алматы-Өскемен" тас жолында көліктер кептелісте тұр. Боранда жолға шыққан ондаған көлік қар құрсауында қалды.
Жолда жеті автобус, 45 "КАМаз", 30 жеңіл көлік, 8 "ГАЗель" және 420 адам кептелісте тұр, деп хабарлайды ҚР ІІМ Төтенше жағдайлар комитетінің баспасөз қызметі.Қар құрсауында қалғандарға көмек көрсетуге құтқарушылар келді (13 адам мен 6 техника). Бірақ адамдар көліктерін тастап кетуден бас тартты.
Жолды тазартуға "Қазақавтожол" кәсіпорнының төрт техникасы жұмылдырылды. Қардың астында қалған жолдың ұзындығы — үш километр. Бұл бағыттағы автожолда қозғалыс сағат 12:00 бері жабық.
Қазіргі уақытта Таскелең ауылындағы Үржар аудандық әкімдігінің мәдениет үйінде жолда қалғандарға жылыту орындары ұйымдастырылған.
(0)
Бұл жерде әлі ештеңе жоқ
