Облыстық Денсаулық сақтау басқармасының мәліметінше, марқұм Есіркеп Садақбаев 3 қыркүйекке қараған түні көз жұмған. Ол тірі кезінде гипертониялық жүрек ауруы мен омыртқа остеохондрозына байланысты дәрігерлердің бақылауында болған. Қария алған жарақаты үшін медициналық көмекке жүгінбеген.
«Туыстары дер кезінде хабарламағандықтан, медициналық анықтама берілмеді. Қазір мәйіт қазылып алынып, сот-медициналық сараптама жүргізілуде. Қорытынды кейін жарияланады», – деді басқарма өкілдері.
